МакМюрэй на поўле, а будучы бацька Карл Эдвардс не адыходзіць ад тэлефона ў чаканьні званка

Джэймі МакМюрэй стаў уладальнікам Coors Light Pole Award за Auto Club 500. Фота Getty Images

Уладальнікам поўла стаў трыўмфатар Дайтоны Джэймі МакМюрэй. Ён паказаў на крузе хуткасьць 183.744 міляў за гадзіну (кола за 39.185 сэкундаў) і абыйшоў партнэра па камандзе Earnhardt Ganassi Racing Хуана Пабла Мантою (183.477 міляў/г) ў дужаньні за першую стартавую пазыцыю на гонцы Auto Club 500, другой гонцы сэзону Sprint Cup.

Будучы бацька Карл Эдвардс не адыходзіць ад тэлефона ў чаканьні званка. Раптам тэлефон званіць, усе накіроўваюць свой погляд на Карла. “Усяго толькі бухгальтар”, — сцішвае пілот Sprint Cup.

Жонка гоншчыка знаходзіцца дома ў Каламбіі, Місуры, і рыхтуецца нарадзіць дзіця. У гэты ж час Карл Эдвардс знаходзіцца ў паўкантынэнце ад дому, рыхтуючыся вывесьці свой кар №99 на нядзельнай гонцы на Auto Club Speedway.

“Мой самалёт стаіць запраўленым, і готаў паляцець, як толькі яна патэлефануе мне”, — сказаў Карл у пятніцу.

Эрык Дарнэл, які ганяў у мінулым сэзоне ў сэрыі Нэйшнвайд за каманду Roush Fenway Racing, у поўнай гатовасьці замяніць Карла ў любую хвіліну.

Цікавым зьяўляецца таксама факт, што з васьмі апошніх гонак у Фантане ў шасьці перамогу атрымлівалі Кэнсэт і Джонсан.

Lineup

Pos.	Driver	Make
1.	Jamie McMurray	Chevrolet
2.	Juan Montoya	Chevrolet
3.	Clint Bowyer	Chevrolet
4.	Kasey Kahne	Ford
5.	Dave Blaney	Toyota
6.	Kevin Harvick	Chevrolet
7.	Jimmie Johnson	Chevrolet
8.	Sam Hornish Jr.	Dodge
9.	Kyle Busch	Toyota
10.	Mark Martin	Chevrolet