Даніка Патрык дэбютуе ў НАСКАР!
У наступным годзе сэкс-зорка аўтаспорту Даніка Патрык дэбютуе ў NASCAR.
Амерыканка распачне сваё заваяваньне NASCAR з серыі Nationwide. Яна будзе сумяшчаць выступы ў NASCAR, дзе павядзе ў бой Chevy каманды JR Motorsport, і ў IndyCar, які па-ранейшаму застаецца яе прыярытэтам. Таму ў Nationwide Даніка правядзе сезон па абмежаванай праграме – па апошняй інфармацыі, яна плануе праехаць некалькі гонак улетку.
Зорка амерыканскага аўтаспорту ўжо правяла тэсты за рулём гоначнага сток-кара. Усе мінулыя выходныя гоншчыца IndyCar правяла на трэку Daytona International Speedway. Пад кіраўніцтвам кру-чыфа Тоні Эўры-малодшага яна наматала каля сотні колаў у кожны з трох тэставых дзён у Chevrolet з нумарам 88, рыхтуючыся да дэбюту ў серыі ARCA, які адбудзецца 6 лютага ў гонцы Lucas Oil Slick Mist 200.
Тоні Эўры-малодшы (JR Motorsport): “Праца зь ёй дае задавальненьне. Яна – выдатны чалавек і першакласны гоншчык. Проста цудоўна, што чалавек такога калібра папулярнасьці знайшоў час для ўдзелу ў гэтых тэстах”.
