Агляд вынікаў сэзону 2009 NASCAR Sprint Cup

Такім чынам, пераможцам сэзону 2009 стаў Джымі Джонсан, які заваяваў гістарычны чацьверты тытул ў чатырох паслядоўных сэзонах. Да апошняга моманту цяплілася надзея ў Марку Марціне, вэтэране гонак НАСКАР (гэта быў яго 27 сэзон у Sprint Cup, дэбют у якасьці пілёта/уладальніка адбыўся ў далёкім 1981 годзе). Нажаль, за такую багатую кар’еру Марк так і ня стаў уладальнікам Кубка, хоць ня раз прыходзіў да фінішу сэзону другім, ушчыльную падбіраючыся да запаветнага тытулу. Джэф Гордан быў трэцім. Істотны факт, усе тры лідэры сэзону 2009 — з каманды Хеэдрык Мотарспортс.

Варта вылучыць Хуана Пабла Мантою, які сёлета ясна даў зразумець усім, што гатовы дужацца за тытул. Ды і ня толькі за тытул — за кожную пазыцыю. 6-е месца перад заключнай гонкай і 8-е ў выніку.

Расчараваньнем для шматлікіх стала нетрапленьне ў Пагоню Кайла Буша. Тым ня менш аматарам ёсьць завошта дзякаваць Кайлу, прытым не толькі ў сэрыі Sprint Cup, але і ў Nationwide і Camping World Truck. Сярод іх, вядома жа, за выйграны кубак Nationwide.

У асноўнай сэрыі ў Буша было 4 перамогі, 9 топ-5 і 13 топ-5. Сьледам за ім, на 14-й, пазыцыі разьмясьціўся яго таварыш па “няшчасьцю” Мэт Кэнсэт, у якога таксама ёсьць чым пахваліцца: 2 перамогі, 7 топ-5 і 12 топ-5. Варта адзначыць, што па гэтых паказчыках яны вышэйшыя за шэраг гоншчыкаў з Пагоні, у якіх і зусім не было подыюмаў. Стабільнасьць.

Адзіным топ-5 адзначыўся за ўвесь год легіянер з Формулы 1 Скот Сьпід… У яго 35-я пазыцыя.

Што жа прынясе нам новы сэзон 2010? Якія высновы зробяць і карэктывы ў свае стратэгіі прыўнясуць каманды? Хутка пабачым! :)