Па словах Ярна, каманда была прыемна зьдзіўленая вынікамі, паколькі яму хутка атрымалася ўзяць тэмп лепшых гоншчыкаў. Ён быў таксама ўражаны той акалічнасьцю, што мякькі стыль пілётажу – яго моцны бок – менавіта тое, што патрабуецца ў NASCAR. Труллі прызнаўся, што нарэшце атрымалася задаволіць сваю цікаўнасьць.

Ён таксама паабяцаў хутка абвесціць ён сваіх планах, у тым ліку ў Формуле 1. Чакаецца, што ў сэзоне-2010 Трулі будзе выступаць за Lotus.

Па матэрыялах La Gazzetta dello Sport

Фэтэль пабываў на Homestead-Miami Speedway у Маямі, каб паглядзець гонку сэрыі Nationwide. Таксама немец сустрэўся са сваім былым калегам Хуанам-Пабла Мантояй.

Сэбасц’ян Фэтэль: “Ёсьць мноства карысных парадаў адносна аўтаспорту ў цэлым. Як нешта працуе, на што трэба зьвяртаць пільную ўвагу. Вучыцца трэба заўсёды… Я змагу ўбачыць, як праводзяцца гонкі ў гэтай сэрыі. Што наконт магчымага пераходу ў NASCAR у будучыні? Ня думаю, што я з лёгкасьцю знайду каманду і неабходныя сродкі. На мой погляд, вельмі складана ўліцца ў гэтую атмасфэру. Калі вы не падабаецеся гледачам, але прыедзеце сюды з празьмернымі амбіцыямі і будзеце думаць, што вы лепш усіх астатніх, вас хутка паставяць на месца”.

Як паведамляе ў сваім твітэры Мантоя, на сьпідвэе быў заўважаны і іншы пілёт Формулы 1 – Хэйкі Кавалайнэн.

Нагадаем, тыднем раней тэсты NASCAR правялі яшчэ два былых гоншчыка F1: Міка Сала і Ярна Трулі.