NASCAR Беларусь » Homestead

Фінальная гонка сэзону 2009 Sprint Cup

Mon, 23 Nov 2009 15:22:53 +0000

Джымі Джонсан з калекцыяй з 4-х пасьлядоўна заваяваных кубкаў.

Адрыў лідэра ў больш за сотню пойнтаў перад гонкай на Homestead-Miami Speedway абумовіў лёс тытула 2009. Марку Марціну неабходна было прыходзіць першым і спадзявацца на эпічны правал Джымі Джонсана. Але гэтага не адбылося. Джымі ўпэўнена правёў фінальную гонку і ўмацаваў адрыў у пойнтах, заваяваў свой чацьвёрты тытул запар! Перамогу ў самой гонцы здабыў Дэні Хэмлін

Хоця бяз драмы ў Маямі не абыйшлося. Сутычка паміж Тоні Сьцюартам і Хуанам Мантояй завяршылася заездам апошняга ў гараж на папраўку. Але пасьля 23 колаў калюмбіец ізноў выйшаў на сьпідвэй з адной толькі мэтай: каб адпомсціць свайму крыўдніку. У выніку Хуан Пабла атрымаў штраф у 2 колы пасьля хупавага вынасу Тоні.

Хуан Пабла Мантоя vs Тоні Сьцюарт

Чацьверты запар: Джымі Джонсан заваяваў тытул!

Mon, 23 Nov 2009 00:37:56 +0000

Фота: трансляцыя тэлеканалу ABC.

2006, 2007, 2008, 2009!!! Упершыню ў гісторыі NASCAR Srint Cup пілёт стаў уладаць чатырма тытуламі, заваяванымі запар.

Падрабязнасьці пазьней на сайце.

Пілёты Формулы 1 з цікавасьцю глядзяць на NASCAR

Sun, 22 Nov 2009 13:47:03 +0000

Пілёт Формулы 1 і каманды Red Bull Сэбасц’ян Фэтэль упершыню наведаў этап сэрыі NASCAR.

Фэтэль пабываў на Homestead-Miami Speedway у Маямі, каб паглядзець гонку сэрыі Nationwide. Таксама немец сустрэўся са сваім былым калегам Хуанам-Пабла Мантояй.

Сэбасц’ян Фэтэль: “Ёсьць мноства карысных парадаў адносна аўтаспорту ў цэлым. Як нешта працуе, на што трэба зьвяртаць пільную ўвагу. Вучыцца трэба заўсёды… Я змагу ўбачыць, як праводзяцца гонкі ў гэтай сэрыі. Што наконт магчымага пераходу ў NASCAR у будучыні? Ня думаю, што я з лёгкасьцю знайду каманду і неабходныя сродкі. На мой погляд, вельмі складана ўліцца ў гэтую атмасфэру. Калі вы не падабаецеся гледачам, але прыедзеце сюды з празьмернымі амбіцыямі і будзеце думаць, што вы лепш усіх астатніх, вас хутка паставяць на месца”.

Як паведамляе ў сваім твітэры Мантоя, на сьпідвэе быў заўважаны і іншы пілёт Формулы 1 – Хэйкі Кавалайнэн.

Нагадаем, тыднем раней тэсты NASCAR правялі яшчэ два былых гоншчыка F1: Міка Сала і Ярна Трулі.

Кайлу і цэлага Nationwide’а мала

Sun, 22 Nov 2009 01:26:17 +0000

Кайл Буш выйграў сэрыю Nationwide, калі над трасай Ford 300 ускінуўся зялёны сьцяг, і Кайл жа пакінуў Карла Эдвардса назіраць за сваім заднім бамперам ў фінішным павароце, каб выйграць гонку ў дзявяты раз у сэзоне! Віншуем!

Фота Nascar.com

Live: заключная гонка сэрыі Nationwide

Sat, 21 Nov 2009 22:38:51 +0000

Кайл Буш датэрмінова заваяваў тытул чэмпіёна 2009 Nationwide Series, маючы перад апошняй гонкай зачын у 190 пойнтаў. Тым ня менш, гонка Ford 300 ня будзе лёгкай для супернікаў Кайла: яна ў гэтую хвіліну ідзе поўным ходам, і Кайлаў Буш ідзе наперадзе, сьледам за ім Карл Эдвардс. Працягваем сачыць за прамой трансляцыяй!

Truck Series: Харвік выйграе гонку і тытул як уладальнік

Sat, 21 Nov 2009 14:06:30 +0000

Для Кэвіна Харвіка заканчэньне сэзону 2009 у сэрыі Camping World Truck выдалося на славу. Кэвін здабыў перамогу на заключных двух гонках, улучна з пятніцкай у Маямі Homestead. А ў дадатак да гэтага ён адзначае свой другі тытул як уладальнік машыны-чэмпіёна: пілёт Рон Хорнадэй перамог у сэрыі на Шэўрале No. 33, які належыць камандзе Kevin Harvick, Inc.

Фота Nascar.com

Live: пянтічная практыка Cup Series

Fri, 20 Nov 2009 18:26:04 +0000

Карл Эдвардс на гэта раз абараняе званьне пераможцы гонкі на Homestead-Miami Speedway. Тым ня менш, нядзельная гонка апынецца для яго апошнім шанцам у гэтым сезоне першым перасекчы фінішную лінію. Пілоты выедуць на трэк у 11:30 a.m. ET для практыкі, перш чым кваліфікацыя пачнецца ў 3 p.m.

Фота Nascar.com