Фота: ESPN
У гэтым сэзоне па задумцы арганізатараў аўтамабілі сэрыі NASCAR павінны зьведаць некаторыя аэрадынамічныя зьмены. Так, было афіцыйна абвешчана, што замест задняга крыла на Car of Tomorrow ізноў зьявіцца спойлер, які выкарыстоўваўся на ранейшай мадыфікацыі сток-караў да 2007 году.
Сток-кары носяць імёны сэрыйных аўтамабіляў, аднак не падобныя на іх нават вонкава. Рэглямант NASCAR па традыцыі трымаецца ў сакрэце, і яго могуць бачыць толькі ўдзельнікі, але некаторыя падрабязнасьці ўсё ж вядомыя. У аснове ляжыць трубчастая сталёвая рама. Заводы (цяпер гэта — Dodge, Ford, Chevrolet і Toyota) пастаўляюць камандам толькі блокі цыліндраў, капот і дах — [...]