1. Курт Буш
2. Мэт Кэнсэт
3. Хуан Пабла Мантоя.

Падрабязнасьці гонкі пазьней на нашым сайце!

Фота: тэлеканал FOX

Сочым за прамой трансляцыяй гонкі разам — http://nascarnews.ru/broadcast!

Па стане на 5-ы круг пяцёрка лідараў выглядае наступным чынам:
1. Kyle Busch
2. Dale Earnhardt Jr. + 0.587
3. Juan Pablo Montoya + 1.332
4. Kasey Kahne + 1.793
5. Mark Martin + 2.449

Фото: Todd Warshaw/Getty Images

У мінулую нядзелю Джымі Джонсан перамог ужо ў другім з першых трох этапаў Кубку, і калі перамагчы ў папярэдняй гонцы яму дапамог удала праведзены піт-стоп, гэтым разам ніякіх сумневаў няма: пачатак сэзону для Джымі складаецца вельмі ўдала. Напрошваюцца пэўныя аналёгіі: у мінулым сэзоне Джонсан пачаў сэзон далёка ня так удала, але, тым ня менш, здолеў цягам сэзону скараціць адставанне ад супернікаў, патрапіць у Чейз і пераканаўча выйграць чарговы чэмпіянат. Что ж будзе зараз, калі Джымбот (як яго ў апошні час жартам клічуць нядобразычліўцы за, як ім здаецца, залішне бездакорны і абыякавы гоначны стыль) пачынае з двух перамог у трох гонках?

3-і этап Кубку NASCAR  – Shelby American – прайшоў на трэку Las Vegas Motor Speedway, насуперак прагнозам аб паніжэньні наведвальнасці гонак NASCAR, пры перапоўненых трыбунах: на гонцы прысутнічала каля 150 тысяч заўзятараў.

З першых колаў гонку ўзначаліў партнэр Джонсана па камандзе Hendrick Motorsports і таксама 4-разовы ўладальнік Кубка Джэф Гордан, – ён жа быў і адным з асноўных прэтэндэнтаў на перамогу. Можна нават сказаць, што Гордан дамінаваў вялікую частку гонкі: ён правёў на першым месцы 218 з 267 колаў. Аднак за 34 колы да фінішу каманда Гордана прыняла рашэньне падчас піт-стопа зьмяніць толькі два кола, тады як на машыне Джонсана змянілі ўсе чатыры, што, як высвятлілася, вызначыла зыход гонкі. З-за больш доўгага піт-стопа Джонсан страціў толькі адну пазіцыю адносна Гордана і выйшаў на рэстарт на 3-ім месцы, і амаль адразу вярнуў сабе месца непасрэдна за лідарам.

Гордан з усіх сіл спрабаваў абараніць сваё лідарства, і на некаторы час на трэку разгарнулася цікавае пазыцыйнае дужанне. Але ўсё ж, відавочная перавага ў хуткасьці дазволіла Джонсану за 16 колаў да фінішу ўзначаліць гонку і атрымаць другую перамогу запар, а Гордан прапусціў наперад яшчэ і нястрымнага Кевіна Гарвіка, які зноў, як і тыдзень назад, прыйшоў да фінішу усьлед за Джонсанам. І зараз, дзякуючы стабільна высокім вынікам ва ўсіх апошніх гонках, менавіта Гарвік зьяўляецца лідарам агульнага заліку.

Адным з самых запамінальных момантаў гонкі стала сутыкненьне двух напарнікаў з каманды Earnhardt Ganassi Racing: Джэймі Макмюрэй, ідучы ў драфце ззаду Хуана-Пабла Мантоі, дапусціў памылку і ўрэзаўся ззаду ў машыну калюмбійца. Машыну Мантоі разгарнула папярок трасы, рушыла ўслед непазьбежнае сутыкненьне з машынай Джэймі, і на гэтым гонка скончылася для абодвух. Адразу пасіля гонкі Макмюрэй прынёс свае прабачэньні напарніку, які, як кажуць, спачатку быў проста ў шаленстве. Зрэшты, як прызнаўся сам Мантоя, інцыдэнт вычарпаны.

А для Джымі Джонсана гэтая перамога стала ўжо 49-ай у кар’еры. Наступная стане юбілейнай, 50-ай. Цікава, як доўга нам засталося чакаць? Шматлікія аналітыкі асьцерагаюцца, што гэты сэзон будзе мала чым адрознівацца ад папярэдняга ў пляне дамінавання Джонсана і каманды Hendrick у цэлым. Калі так, то ўжо на наступным тыдні Джымі можа адсьвяткваць свой вялікі юбілей: шанцы на гэта досыць вялікія. Праблема ў тым, што акрамя яго і яго каманды гэта сапраўды вялікае дасягненьне ці наўрад хтосьці ацэніць па вартасьці: занадта шмат асьцярог у апошні час выклікае яго дамінаваньне ў адмыслоўцаў і фанатаў гонак, якія жадалі бы для разнастайнасьці ўбачыць першым на фінішы кагосьці яшчэ.

Аляксандр Тундакоў

Фото: Al Pearce.

Джымі Джонсан здабыў сваю першую перамогу ў новым сэзоне на каліфарнійскім трэку Auto Club Speedway, які лічыцца яго хатняй трасай (Джымі нарадзіўся ў Паўднёвай Каліфорніі, у горадзе Эль Кахон).

Гэтая перамога стала для Джымі Джонсана 48-ай у кар’еры, і паколькі ён выступае ў NASCAR пад нумарам 48, можна сказаць, што для яго гэта яшчэ і добрая падстава адсьвяткаваць пазачарговы юбілей.

Акрамя таго, перамога на апошнім этапе вывяла Джымі Джонсана на 12 месца ў сьпісе гоншчыкаў з найбольшым лікам перамог за кар’еру. Гэтулькі жа перамог было ў Хэрба Томаса, чэмпіёна NASCAR 1951 і 1953 гадоў.

Першая гонка сэзону ў Дайтоне склалася для дзейснага чэмпіёна вельмі няўдала (ён завяршыў яе на 35 месцы), але ўжо на наступным этапе Джымі паказаў, што ён па-ранейшаму ў выдатнай форме і што абвешчаны ім паход за 5 тытулам, нажаль, ня жарт.

Вырашальны момант у гонцы наступіў на 225 коле, калі Джымі адправіўся на свой плянавы піт-стоп з 16 пазыцыі, як раз у той момант, калі на трасе зьявіліся жоўтыя сьцягі з-за развароту Брэда Кэсэлоўскі. Дзякуючы гэтаму выпадку, Джонсан выйшаў у лідары, у то час як астатнія гоншчыкі адправіліся на піт-стоп пад жоўтымі сьцягамі.

«Сёньня поспех была на нашым боку, – прызнаўся Джонсан. – Мы адправіліся на піт-стоп, і тут жа на трасе зьявіліся жоўтыя сьцягі, што дазволіла нам вярнуцца на трасу першымі. У нас былі праблемы з кіравальнасьцю ў другой палове гонкі. Мы прыкладалі высілкі, каб вярнуцца ў лідары, але наперадзе нас было шмат хуткіх хлопцаў, і мы ведалі, што нам будзе вельмі цяжка мінуць іх. Ня буду хаваць, той піт-стоп даў нам перавагў ў гонцы, і пасьля яго я імкнуўся імчаць, як вар’ят».

Тым ня менш, ззаду Джонсана засталося з дзясятак хуткіх супернікаў, якія былі здольныя навязаць яму дужаньне на апошніх колах. І сапраўды, за тры колы да канца гонкі Кэвіну Гарвіку атрымалася наблізіцца да Джонсана ўшчыльную. Гарвік тут жа распачаў спробу абыйсці Джонсана па высокай траекторыі, аднак, ня ўтрымаўшы машыну ў падступным 4 павароце, датыкнуўся вонкавай сьцяны і страціў хуткасьць. Зрэшты, адрыву, створанага падчас пагоні за лідарам, Кевіну хапіла, каб утрымаць другую пазыцыю на фінішы.

Трэцім у гонцы фінішаваў Джэф Бэртан. Перад апошнім рэстартам ён займаў 2 пазыцыю, але навязаць дужанне Джонсану так і не змог, а затым яшчэ і саступіў другое месца Гарвіку.

Напарнік Джонсана па камандзе Hendrick Motorsports, Марк Марцін стаў чацьвертым. У сьлед за ім да фінішу дашлі Джоўі Лагана і Курт Буш. Пераможца гонкі Daytona 500, Джэймі Макмюрей фінішаваў толькі сямнаццатым, нягледзячы на старт з поўла.

Аляксандр Тундакоў

Уладальнікам поўла стаў трыўмфатар Дайтоны Джэймі МакМюрэй. Ён паказаў на крузе хуткасьць 183.744 міляў за гадзіну (кола за 39.185 сэкундаў) і абыйшоў партнэра па камандзе Earnhardt Ganassi Racing Хуана Пабла Мантою (183.477 міляў/г) ў дужаньні за першую стартавую пазыцыю на гонцы Auto Club 500, другой гонцы сэзону Sprint Cup.

Будучы бацька Карл Эдвардс не адыходзіць ад тэлефона ў чаканьні званка. Раптам тэлефон званіць, усе накіроўваюць свой погляд на Карла. “Усяго толькі бухгальтар”, — сцішвае пілот Sprint Cup.

Жонка гоншчыка знаходзіцца дома ў Каламбіі, Місуры, і рыхтуецца нарадзіць дзіця. У гэты ж час Карл Эдвардс знаходзіцца ў паўкантынэнце ад дому, рыхтуючыся вывесьці свой кар №99 на нядзельнай гонцы на Auto Club Speedway.

“Мой самалёт стаіць запраўленым, і готаў паляцець, як толькі яна патэлефануе мне”, — сказаў Карл у пятніцу.

Эрык Дарнэл, які ганяў у мінулым сэзоне ў сэрыі Нэйшнвайд за каманду Roush Fenway Racing, у поўнай гатовасьці замяніць Карла ў любую хвіліну.

Цікавым зьяўляецца таксама факт, што з васьмі апошніх гонак у Фантане ў шасьці перамогу атрымлівалі Кэнсэт і Джонсан.

Lineup

У гэтым сэзоне па задумцы арганізатараў аўтамабілі сэрыі NASCAR павінны зьведаць некаторыя аэрадынамічныя зьмены. Так, было афіцыйна абвешчана, што замест задняга крыла на Car of Tomorrow ізноў зьявіцца спойлер, які выкарыстоўваўся на ранейшай мадыфікацыі сток-караў да 2007 году.

Каманды маюць апрабаваць алюмініевыя спойлеры на тэстах 23-24 сакавіка ў Шарлоце. Верагодней за ўсёо спойлер вернецца 26 сакавіка ў Мартынсвіле. Папярэднія кансультацыі па зьмене аэрадынамікі машынаў праводзіліся са ўсімі камандамі, і гаворка на іх вялася пра тое, каб зрабіць гонкі яшчэ больш прывабнымі і адначасова падвысіць іх бясьпеку.

Па інфармацыі сайту carclub.ru.

«Я правёў тэсты за Starbeast тры дні назад у Дайтоне. Пакуль нічога ня вызначана, у мяне шмат прапановаў і варыянтаў», – цытуе Карцікяяна Reuters.

Карцікяян стаў першым індыйскім гоншчыкам у «Формуле-1». У 2005 годзе ён выступаў за «Джордан» і скончыў сэзон з 5 пойнтамі, заняўшы чацьверты радок на гран-пры Злучаных Штатаў. Другую палову 2009 году ён правёў у эўрапэйскай сэрыі Лё-Ман.

Гоначная кар’ера Боўаэра пачалася з практыцы на трасе ў Flint Hills Towing на вуліцы Грэм у Эмпорыі. У сераду горад адкрыў памятны знак, дадаўшы вуліцы ганаровы назоў бульвара Клінта Боўаэра.

Клінт выказаў сваю падзяку жыхарам горада за такі знак павагі да сабе: “Вельмі прыемна ўспомніць, калі гэта было, дзе ўсё гэта пачалося, і ўбачыць сваё імя на вуліцы Грэм. Гэта такая важная вуліца для мяне і маёй сям’і, гэта вельмі шмат значыць для мяне. Я люблю гэты горад. Няма людзей лепей за тых, што жывуць тут, у Эмпорыі.”

Два гады назад Боўаэр стварыў “Фонд 79″ сумесна з Фондам мясцовай супольнасьці Эмпорыі каб дапамагчы гораду і людзям, якія жывуць у нястачы. Фонд дапамог гораду ажыцьцявіць праект па ачыстцы, спансаваў гарадскую раду мастацтваў, а ў гэтым месяцы забясьпечыў 20 калядных ёлак для сем’яў Эмпорыі і абутак для 85 дзяцей, залічаных у праграму Big Brothers Big Sisters.

Хоць Боўаэр славіцца як кіроўца, каб дапамагчы стварыць “Фонд 79″ ён паглядзеў на іншы спорт – Гольф. Дабрачынны турнір па гольфе і аўкцыён, арганізаваны ў 2008 годзе прынёс каля $ 160.000, сёлета гэтая падзея прыцягнула $ 250.000.

Боўаэр і Рады дырэктараў “Фонду 79″ глядзяць у будучыню і плянуюць пераканацца, што Фонд зможа дапамагчы столькім людзям, колькім магчыма.

Калі б гісторыя прыняла іншы паварот пару гадоў назад, чалавек, які быў ініцыятарам пераходу Данікі, мог сам стаць самой знакамітай жанчынай-гоншчыцай у Наскар. Так што несумнеўна, Кэлі Эрнхард ня можа не зайздросціць дзяўчыне, якую яна толькі што наняла спаборнічаць у рэжыме няпоўнага сэзону ў Нэшнвайд за сваю каманду JR Motorsports.

Эрнхард не хавае, што такім чынам жадае хоць бы часткова выканаць сваю мару пры дапамозе 27-гадовай Патрык, якая зьяўляецца на 12 маладзейшай яе.

У рэчаіснасьці жа, Кэлі прыходзілася кіраваць гоначнымі машынамі. Прычым кіраваць настолькі класна, што яна перамагала свайго малодшага брата Дэйла мал. і кузена Тоні Эўры мал. Гэта вядома, адбывалася не рэгулярна, але абодва мужчыны без нясьмеласці аб гэтым кажуць. Аднак адукацыя і першыя крокі ў дзелавой кар’еры пазбавілі фанатаў гэтай прывабнай пэрспэктывы…

Цяпер жа нам застаецца з нецярпеньнем чакаць пачатку новага сэзону каб убачыць Даніку Патрык у дзеяньні. :)